‘हल अफ फेम सिजन २’ को फाईनल आज हुँदै , को बन्ला बिजेता ?

काठमाडौं । एमएनटीभी अष्ट्रेलियाले आयोजना गरेको प्रतिभा प्रोत्साहन कार्यक्रम अन्तर्राष्ट्रिय अनलाईन गायन प्रतिस्पर्धा हल अफ फेम सिजन २ ले आज बिजेता घोषण गर्दैछ । विश्वका विभिन्न देशमा रहेका नेपालीले प्रतिस्पर्धामा भाग लिएको उक्त कार्यक्रमको आज फाईनल हुने भएको हो । नेपाली सांगीतीक क्षेत्रमा छुट्टै पहिचान बनाउन सफल यो शोले आज सिजन २ को विजेता पाउँदैछ ।

उत्कृष्ट ५० मध्येबाट टप २७, टप ९, टप ६ हुँदै आज (शनिबार) ३ जना प्रतिस्पर्धीले उपाधीका लागि प्रतिस्पर्धा गर्दैछन् । फाइनलमा पुगेका इलामका टीका मगर, ललितपुरका पूर्ण विक र बुटवलका विजय सुनारले आज आफ्नो प्रस्तुती दिँदैछन् । हिजो (शुक्रबार) भएको टप ६ मा प्रतिस्पर्धाबाट यी तीन जना प्रतिस्पर्धीले फाईनलका लागि आफ्नो सिट सुरक्षित गरेका हुन् ।

हल अफ फेम सिजन २ को विजेताले १ लाख नगद पुरस्कारका साथै अफिसियल गीत तथा भिडियो रेकर्डिङ र सबै निर्णायकहरूको साथमा अष्ट्रेलिया टुर जाने अवसर पाउनेछन् ।

हल अफ फेम सिजन २ मा निर्णायकको रुपमा वरिष्ठ गायक दिप श्रेष्ठ, विवेक श्रेष्ठ र रजिना रिमाल रहेका छन् । हल अफ फेममा विश्वका विभिन्न १२ देशबाट ६ सय भन्दा बढीले सहभागीता जनाएका थिए । शनिबार राति ८ बजे फाईनल कार्यक्रम हिमालय टेलिभिजनका साथै एमएनटीभी अष्ट्रेलियाका अन्य डिजिटल प्लेटफर्महरुमा एकैसाथ प्रशारण गरिँदै छ ।

यो समाचार पढेर तपाईको प्रतिक्रिया के छ ?