अष्ट्रेलियाको भिक्टोरिया राज्यमा कोरोना संक्रमित बढे, १० दिनमा १ लाख परीक्षण गर्ने तयारी

भिक्टोरियाका विभिन्न क्षेत्रमा कोरोना भाईरस संक्रमितहरुको संख्या बढ्न थालेपछि यहाँको सरकारले व्यापक परीक्षण गर्ने योजना ल्याएको छ । जस अन्तर्गत आगामी १० दिनभित्र १ लाखजनाको परीक्षण गरिनेछ । भिक्टोरियाका प्रिमियर डेनियल एन्ड्रयूले व्यापक परीक्षण प्रभावकारी हुने आशा व्यक्त गरे ।
“विगत ९ दिनदेखि हरेक दिन कोरोना संक्रमितको संख्या दुई अंकमा देखिएको छ भने गएको २४ घण्टामा मात्रै ३३ जना नयाँ संक्रमण देखिएपछि यस्तो निर्णय गरिएको हो । अहिले फैलिरहेको अवस्था समूदाय फैलावटको चरणजस्तो देखिन्छ जहाँ कसबाट कसरी सरेको हो भन्ने पत्तो नै लाग्दैन । अहिले मेलबर्नमा त्यस्तै भइरहेको छ”, एक अधिकारीले भने ।
यतिबेला सबैभन्दा बढी संक्रमित देखिएका क्षेत्रमा

Keilor Downs
Maidstone
Albanvale
Sunshine West
Hallam
Broadmeadows
Brunswick West
Fawkner
Reservoir
Pakenham

रहेका छन् । प्रिमियर एन्ड्रयूले यी क्षेत्रमा ५० प्रतिशत मानिसहरुको परीक्षण गर्ने बताए । “१० दिनभित्रमा एक लाखको परीक्षण गर्न सकिएमा कोरोना संक्रमणको फैलावट रोक्न सकिनेमा म विश्वस्त छु”, उनले भने । कसरी १० लाखको परीक्षण हुन्छ त ? उनले भने, “हरेक गल्ली गल्लीमा एम्बुलेन्स या मेडिकल भ्यानमार्फत परीक्षणको व्यवस्था गरिनेछ । घर घरमा पुगेर कोरोनाबारे चेता दिने र परीक्षण गर्ने कार्यगर्ने योजना छ ।” यस्तै परीक्षण केन्द्रहरुको संख्या बढाएर १ सय ३५ बनाइने भएको छ भने नयाँ १० ड्राईभथ्रू टेष्ट सेन्टर सञ्चालनमा ल्याइनेछ । छिटो नतिजाको लागि न्यूसाउथवेल्स, तास्मानिया, क्वीन्सल्याण्ड, साउथ अष्ट्रेलियामा स्वाब पठाउने तयारी छ ।