नवनिर्वाचित प्रधानमन्त्री प्रचण्डबाट दुई उपप्रधानमन्त्रीसहित पाँच मन्त्री नियुक्त
नवनिर्वाचित प्रधानमन्त्री पुष्पकमल दाहालले दुई जना उपप्रधानमन्त्रीसहित पाँच जना मन्त्री नियुक्त गर्नुभएको छ ।
दाहालले नेपाली कांग्रेसका नेता विमलेन्द्र निधि र नेकपा माओवादी केन्द्रका नेता कृष्णबहादुर महरालाई उपप्रधानमन्त्रीमा नियुक्त गर्नुभएको हो ।
नवनियुक्त उपप्रधानमन्त्रीहरुलाई राष्ट्रपति भण्डारीले पद तथा गोपनियताको सपथ खुवाउनुभयो । प्रधानमन्त्रीको उपस्थितिमा राष्ट्रपति भण्डारीले निधि र महरालाई सपथ गराउनुभएको हो ।
यसैगरी प्रधानमन्त्री प्रचण्डले नेपाली कांग्रेसका नेता रमेश लेखक र नेकपा माओवादी केन्द्रका नेता गौरीशंकर चौधरी तथा दलजित श्रीपाइलीलाई मन्त्रीमा नियुक्त गर्नुभएको छ । उहाँहरुलाई पनि प्रधानमन्त्रीको उपस्थितिमा राष्ट्रपति भण्डारीले पद तथा गोपनियताको सपथ गराउनुभयो ।
