त्रिभुवन विश्वविद्यालय शिक्षण अस्पताल महाराजगञ्जमा अनसनरत् वरिष्ठ चिकित्सक गोविन्द केसीका माग सम्बोधन गर्न माग गर्दै सर्वसाधारणले शनिबार काठमाडौंमा प्रदर्शन गरेका छ ।

केसीको जीवन रक्षा र चिकित्सा क्षेत्रको सुधारको माग गर्र्दै ठूलो संख्यामा सर्वसाधारणमा सडकमा उत्रिएका हुन् । १३ दिनदेखि अनसनत गोविन्द केसीको पक्षमा निकालिएको जुलुस माइतीघर मण्डलाबाट सुरु भएर नयाँबानेश्वरमा पुगेर टुंगिएको थियो । विरोध जुलुसमा सर्वसाधारण, कलाकार, विद्यार्थी, चिकित्सकहरुको उल्लेखनीय सहभागिता थियो । जुलुसमा सहभागीहरुले गोविन्द केसीको पक्ष र अख्तियार दुरुपयोग अनुसन्धान आयोगको विपक्षमा नाराबाजी गरेका थिए ।

चिकित्सा क्षेत्रमा सुधार गर्नुपर्ने, अख्तियार दुरुपयोग अनुसन्धान आयोगका प्रमुख आयुक्त लोकमानसिंह कार्कीलाई महाअभियोगलगाउनुपर्नेलगायतका माग राख्दै डा. केसी १३ दिनदेखि अनसनमा बसिरहनुभएको छ । केसीका मागका विषयमा सरकारी वार्ता टोलीले पटकपटक वार्ता गरे पनि सहमति हुन सकेको छैन ।