भिक्टोरियामा १०२९ जनामा कोरोना संक्रमण, न्यु साउथ वेल्समा १८० संक्रमित थपिए

मेलबर्न अष्ट्रेलिया । भिक्टोरियामा पछिल्लो २४ घण्टामा १०२९ जनामा कोरोना संक्रमण पुष्टि भएको छ । सो अवधिमा गरिएको ४९ हजार ८१८ जनाको परीक्षणबाट ती व्यक्तिमा कोरोना संक्रमण पुष्टि भएको हो ।

त्यसैगरी सोही अवधिमा भिक्टोरियामा कोरोना संक्रमणबाट थप ३ जनाको मृत्यु भएको छ । भिक्टोरियामा सक्रिय कोरोना संक्रमितको संख्या ९ हजार ५३३ रहेको छ ।

त्यस्तै, पछिल्लो २४ घण्टामा न्यु साउथ वेल्समा १८० जनामा कोरोना संक्रमण पुष्टि भएको छ । २४ घण्टामा गरिएको ४५ हजार ४०५ परीक्षणमा ती व्यक्तिमा कोरोना संक्रमण पुष्टि भएको हो ।

सोही समयमा न्यु साउथ वेल्समा पछिल्लो २४ घण्टाका कोरोना संक्रमणबाट एक जनाको मृत्यु भएको छ ।

यो समाचार पढेर तपाईको प्रतिक्रिया के छ ?