चुरोट सल्काउँदा त्रिपुरेश्वरमा आगालागी, मुलायम यादवको मृत्यु


काठमाडौंको त्रिपुरेश्वरमा रहेको एक मोटरसाइकल वर्कसपमा विहीबार साँझ आगलागि हुदाँ मृत्यु भएका सोही वर्कसपमा कामदार भएको खुल्न आएको छ।वर्कसपमा कार्यरत मुलायम यादवको जलेर मृत्यु भएको प्रहरीले बताएको छ। यादवले चुरोट खान सलाई बाल्न लाग्दा पेट्रोलमा सल्किएको र आगो लागेको प्रहरी अनुसन्धानबाट खुल्न आएको छ।
मोटरसाइकलबाट सल्किएको आगोले ग्यारेज पुर्ण रुपमा क्षति भएको छ। सँगै रहेको जयन्ती पेट्रोल पम्प र लक्की भवनमा समेत क्षति पुगेको प्रहरीले जनाएको छ। आगलागिबाट घाइते भएका एक बालक र अर्का एक जना पुरुषको वीर अस्पतालमा उपचार भइरहेको छ।आगलागिबाट ५० लाख भन्दा बढीको क्षति भएको अनुमान छ। समयमा नै दमकल पुगेका कारण थप क्षति हुन नपाएको महानगरीय प्रहरी कार्यालयका डिएसपी रमेश थापाले जानकारी दिए।आगो निभाउन काठमाडौं र ललितपुरका दमकल त्यहाँ पुगेका थिए।

यो समाचार पढेर तपाईको प्रतिक्रिया के छ ?