विगत ४० वर्षदेखि भारतीय संगीत क्षेत्रमा रही सैयौं सफल गीत दिन सफल पद्म श्री पुरस्कारबाट विभूषित उषा उत्थुपले सिड्नीमा आगामी अप्रिल २५ मा कन्सर्ट गर्ने भएकी छिन् । करिब ३ हजारभन्दा बढी दर्शक क्षमता रहेको लिभरपुलस्थित ह्वाईटल्याम लिजर सेन्टरमा गरिनेछ । साँझ ७ बजेबाट सुरु हुने कन्सर्टका विषयमा जानकारी गराउन एक पत्रकार सम्मेलन हालै आयोजना गरिएको छ । पत्रकार सम्मेलनमा दिइएको जानकारी अनुसार सुर ईभेन्टस्, चोपडा प्रोडक्सन्स, स्वर्ग ईभेन्टस र भिनआर्ट ईन्भेष्टमेन्टले संयुक्त रुपमा आयोजना गरेका हुन् । पत्रकार सम्मेलनमा बोल्दै सुर इृभेन्टसका सुमन साहले धेरैभन्दा धेरै दर्शकहरुलाई सस्तो दरमा टिकट दिने व्यवस्था गरिएको बताउनुभयो । यस्तै स्वर्ग ईभेन्टस्का निरभ रस्तोगीले उषा उत्थुपले पनि सिड्नीमा कन्सर्ट गर्न उत्साह व्यक्त गर्नुभएको बताउनुभयो । कार्यक्रममा उषा उत्थुपको भिडियो सन्देश प्रशारण गरिएको थियो । यसैगरी चोपडा प्रोडक्सन्सका तर्फबाट मञ्जित चोपडाले बोल्दै भीभीआईपी र मिट एण्ड ग्रिटको टिकट मात्र १ सय २९ डलर तोकिएको र यी टिकट मात्र २ सय हुने जानकारी दिनुभयो । कन्सर्टको ६८ प्रतिशत टिकट ४९ डलरभन्दा कम मूल्यका रहेको बताउनुभयो । टिकट www.drytickets.com.au मा गएर बुक गर्न सकिनेछ ।