कास्की जिल्ला फुटबल सङ्घको आयोजना तथा मनोकामना दर्शन प्रालिको मुख्य प्रायोजनमा पोखरा रङ्गशालामा भएको मनोकामना केबुलकार, पोखरा कप फुटबल प्रतियोगितामा सडेन देथको आधारमा नेपाल पुलिस क्लबले उपाधि जितेको छ । फाइनल खेलमा नेपाल पुलिस र थ्रिस्टारबीचको खेलमा निर्धारित समयमा दुवै पक्षबीच एक÷एक गोल भएको र थपिएको १५ मिनेटमा दुवै पक्षबीच कुनै गोल हुन नसकेपछि खेल टाइब्रेकरमा लगिएको थियो । टाइब्रेकरमा दुवै पक्षबीच तीन÷तीन गोल भएपछि खेल सडेन देथमा गएको थियो । नेपाल पुलिस क्लब विजेता बनेपछि रु तीन लाख ५५ हजार र ट्रफी र उपविजेता थ्रिस्टारले रु दुई लाख एक हजार र ट्रफी प्राप्त गरेको थियो । गत पुस २२ गतेबाट सुरु भएको उक्त प्रतियोगितामा नेपालका ए डिभिजनका क्लब, विदेशी टोली र स्थानीय टोली गरी १२ टोलीको सहभागिता रहेको थियो ।